Ritsíminn sem tekinn var í notkun 1906 hefur lengi verið talinn eitt mikilvægasta verk Hannesar Hafstein á ráðherrastól í byrjun síðustu aldar. Þótt mörgum þyki það líklega kynlegt nú á dögum var mikil andstaða við þessa framkvæmd og mátti litlu muna að ráðherrann tapaði orrustunni við andstæðinga sína sem trúðu því að loftskeyti væru betri og ódýrari kostur.

Þjóðsagan um Gilitrutt birtist fyrst á prenti í þjóðsagnasafninu Íslenzk ævintýri árið 1852. Er „gömul kona úr Rangárþingi“ borin fyrir henni. Sagan á sér samsvörun í ævintýrinu um Rumpelstiltskin í safni hinna þýsku Grimmsbræðra sem kom út nokkru fyrr á 19. öld. Hér er sagt frá þeirri túlkun að kannski hafi Gilitrutt ekki verið tröllskessa. Getur það verið?

Skúli Thoroddsen var einn helsti stjórnmálaforingi á Íslandi í lok 19. aldar og á fyrsta áratug hinnar 20. og jafnan í forystu fyrir þeim sem lengst vildu ganga í stjórnfrelssbaráttunni auk þess sem tók upp á arma sína margvísleg framfaramál. Í hugum samherja var Skúli á sinn hátt arftaki Jóns Sigurðssonar forseta.